У Дзяржынскім раёне пачаў працаваць адзіны кантакт-цэнтр ЖКГ па нумары 115
Кантакт-цэнтр ЖКГ па кароткім нумары 115 запрацаваў у Дзяржынскім раёне. Цяпер званкі з усяго раёна будуць сцякацца сюды. Раней жа дыспетчарскі пункт працаваў не толькі ў Дзяржынску, але і ў Фаніпалі.
Кантакт-цэнтр будзе прымаць усе віды пытанняў жыхароў у сферы жыллёва-камунальнай гаспадаркі. У кантакт-цэнтр можна паведаміць, напрыклад, пра праблему ў ЖКГ ці інфраструктуры горада, унесці заўвагу або прапанову па дзейнасці ЖКГ, выклікаць электрыка і г.д.
Цяпер усе заяўкі будуць рэгістравацца ў агульнай кампутарнай сістэме, а таксама будзе весціся аўдыёзапіс званка - для кантролю якасці працы аператараў, а таксама для вырашэння канфліктных сітуацый у выпадку прад'яўлення прэтэнзій з боку грамадзян. Работа са зваротамі будзе праводзіцца кругласутачна.
Кошт званка на кароткі нумар 115 будзе такі ж, як і на любы іншы нумар гарадской тэлефоннай сеткі.
Каментарыі(4):