У сталіцы затрымалі п'янага кіроўцу маршруткі Мінск-Фаніпаль

Раніцай 15 лістапада на ўездзе ў Мінск супрацоўнікі ДАІ спынілі для праверкі дакументаў маршрутнае таксі Volkswagen LT-35. Кіроўца маршрутнага таксі 1976 года нараджэння, выконваў рэйс з Фаніпаля ў Мінск з пяццю пасажырамі ў салоне.

У сталіцы затрымалі п'янага кіроўцу маршруткі Мінск-Фаніпаль

Акрамя таго што таксіст быў не прышпілены, інспектары адразу заўважылі знешнія прыкметы алкагольнага ап'янення. Мужчына растлумачыў, што напярэдадні ўвечары выпіў шмат піва. Пры медыцынскім аглядзе ў яго выявілі 2 праміле алкаголю. У мінулым ён таксама прыцягваўся да адказнасці за парушэнні ППД.

- Якое пакаранне панясе парушальнік, пакуль невядома. Дакладна можна сказаць, што яго пазбавяць правоў на тры гады і звольняць з працы, - распавяла старэйшы інспектар па агітацыі і прапагандзе АДАІ Маскоўскага раёна сталіцы Любоў Трапашка.

У мэтах прафілактыкі аварыйнасці на пасажырскім транспарце з 12 па 21 лістапада ў Мінску праходзіць прафілактычнае мерапрыемства "Аўтобус". Падчас акцыі асаблівую ўвагу супрацоўнікі ДАІ надаюць выяўленню і спыненню парушэнняў дзеючага заканадаўства з боку кіроўцаў, якія ажыццяўляюць перавозку пасажыраў у рэгулярных зносінах.

Крыніца: БЕЛТА

Дадаць каментар


Каментарыяў пакуль няма

Надвор'е ў Фаніпалі

Надвор'е

Курсы валют

24.11.17   25.11.17
1 Еўра (EUR) 2.36
1 Долар ЗША (USD) 2
100 Расійскіх рублёў (RUB) 3.42