Два новыя прадпрыемствы адкрыюцца ў Фаніпалі да канца года

У Фаніпалі да канца 2015 года адкрыюцца два новыя прадпрыемствы, паведаміла начальнік аддзела інвестыцый камітэта эканомікі Мінскага аблвыканкама Лізавета Давельман.

Так, у Фаніпалі СТАА «Эвіпак Індастрыз» рэалізуе праект па будаўніцтве вытворчай базы (інсталяцыя аўтаматызаванай вытворчай лініі аўстрыйскай кампаніі SML па вытворчасці стрэтч-плёнкі) і інжынерных камунікацый. Інвестыцыйны дагавор заключаны ў чэрвені 2010 года, а на сёння асвоена больш за Br166 млрд інвестыцый. «Выпуск высакаякаснай пяціслойнай стрэтч-плёнкі дазволіць вырашыць узрастаючую патрэбу ў гэтай прадукцыі як на беларускім рынку, так і на рынках блізкага замежжа. Плануецца, што новы аб’ект вытворчасці ўвядуць у эксплуатацыю ў снежні, тут будзе створана каля 20 новых працоўных месцаў», — адзначыла спецыяліст.

Завяршаецца будаўніцтва аб’екта ЗЗАТ «ФераліБел» па арганізацыі вытворчасці электрычных награвальнікаў і ацяпляльных катлоў на тэрыторыі Дзяржынскага раёна ў раёне Фаніпаля. Работы вядуцца з сакавіка гэтага года, фактычны аб’ём асвоеных інвестыцый склаў каля Br50 млрд. Пасля завяршэння плануецца стварыць больш за 50 новых працоўных месцаў. Прадукцыя прадпрыемства будзе пастаўляцца ў Расію, Украіну, Казахстан, Узбекістан, краіны Балтыі.

Акрамя таго, працягваецца рэалізацыя інвестыцыйнага праекта ЗАТ «Амкадор-Эластамер» па вытворчасці гумовых сумесяў, формавых і няформавых гуматэхнічных вырабаў у Фаніпалі. Будаўніцтва аб’екта пачалося чатыры гады таму і завершыцца, як мяркуецца, у снежні 2016 года. Усяго плануецца асвоіць каля Br330 млрд інвестыцый, па выніках будзе створана больш за 50 новых працоўных месцаў. Дзякуючы ЗАТ «Амкадор-Эластамер», у Мінскай вобласці з’явіцца імпартазамяшчальная вытворчасць кольцаў, утулак, ушчыльняльнікаў, дыванкоў для айчыннага машынабудавання.

Крыніца: БЕЛТА

Дадаць каментар


Каментарыяў пакуль няма

Надвор'е ў Фаніпалі

Надвор'е

Курсы валют

16.08.17   17.08.17
1 Еўра (EUR) 2.29 2.28
1 Долар ЗША (USD) 1.95 1.94
100 Расійскіх рублёў (RUB) 3.25 3.26