З 15 мая спыняецца вяшчанне аналагавага тэлебачання

У Рэспубліцы Беларусь завяршаюцца мерапрыемствы па пераходзе ад аналагавага эфірнага тэлевізійнага вяшчання да наземнага лічбавага, якія праводзяцца ў рамках рэалізацыі Дзяржаўнай праграмы ўкаранення лічбавага тэлевізійнага і радыёвяшчання ў Рэспубліцы Беларусь да 2015 года.

За час рэалізацыі Дзяржпраграмы ў краіне пабудавана разгалінаваная сетка наземнага лічбавага тэлевізійнага вяшчання, на сённяшні дзень складаецца з 84 лічбавых тэлевізійных перадатчыкаў, якая ахоплівае практычна ўсю тэрыторыю, на якой пражывае насельніцтва краіны. Сеткай забяспечваецца трансляцыя абавязковага агульнадаступнага пакета, які складаецца з 8 тэлевізійных праграм(Беларусь 1, АНТ, СТБ, Мір, РТР-Беларусь, НТВ-Беларусь, Беларусь 2, Беларусь 3) і адной гукавы праграмы «Першы Нацыянальны канал Беларускага радыё», якія даступныя для прыёму насельніцтвам на бязвыплатнай аснове.

Першыя адключэння ў нашай краіне праведзены 1 жніўня 2013 года, калі аналагавыя эфірныя тэлевізійныя перадатчыкі дэцыметровага дыяпазону хваляў былі выключаны ў населеным пункце Асіповічы.

Сімвалічны поўны пераход на наземнае лічбавае тэлевізійнае вяшчанне запланаваны на 15 мая 2015 года, калі аналагавае эфірнае тэлевізійнае вяшчанне ў дэцыметровым дыяпазоне хваляў будзе спынена на апошніх 10 аб'ектах, у тым ліку на галоўнай РТПС краіны ў н.п. Калодзішчы.

Сучасныя тэхналогіі эфірнага лічбавага тэлевізійнага вяшчання сёння не патрабуюць ад абанента якіх-небудзь спецыяльных ведаў для арганізацыі прыёму лічбавага тэлевізійнага сігналу.

Калі вы карыстаецеся паслугамі кабельнага аператара (гэта, як правіла, абласныя і раённыя цэнтры, буйныя гарады), то ніякіх дадатковых мерапрыемстваў праводзіць не патрабуецца, прымаць тэлевізійны сігнал вы працягнеце як і раней.

Тое ж самае датычыцца абанентаў паслуг інтэрактыўнага тэлебачання, напрыклад паслуг ZALA ад РУП "Белтэлекам" - калі грамадзяне з'яўляюцца абанентамі гэтай паслугі, то яны ўжо ажыццяўляюць прагляд тэлевізійнага сігналу ў лічбавым фармаце.

Калі ж для арганізацыі прыёму тэлевізійнага сігналу выкарыстоўваецца індывідуальная (усталяваная на акне альбо каля дома) альбо калектыўная (усталяваная на даху будынка) антэна, то для прыёму абавязковага агульнадаступнага пакета тэлевізійных праграм неабходныя:
- тэлевізійны прыёмнік (тэлевізар) з падтрымкай стандарту DVB-T або DVB-T2 і фармату кадавання (сціску) MPEG-4 або лічбавая тэлевізійная прыстаўка з аналагічнымі параметрамі, якая падключаецца да звычайнага тэлевізара;
- індывідуальная прыёмная тэлевізійная антэна дэцыметровага дыяпазону хваляў (470-862 Мгц) з гарызантальнай палярызацыяй, якую неабходна накіраваць у бок бліжэйшай РТПС.

Названыя прылады шырока прадстаўлены ў гандлёвай сетцы і незалежна ад кошту дазволяць забяспечыць якасны прыём лічбавага эфірнага тэлевізійнага сігналу.

Калі ўзнікаюць складанасці з устаноўкай або наладай прыёмных прылад, альбо існуюць якія-небудзь пытанні, якія патрабуюць кансультацыі спецыялістаў, то па пытаннях, звязаных з пераходам на эфірнае лічбавае тэлевізійнае вяшчанне, можна звярнуцца да спецыялістаў адзінай рэспубліканскай бясплатнай даведачна-інфармацыйнай службы «172», якія дадуць неабходныя тлумачэнні і рэкамендацыі. Званкі са стацыянарнай тэлефоннай сеткі бясплатныя.

Дадаць каментар


Каментарыяў пакуль няма

Надвор'е ў Фаніпалі

Надвор'е

Курсы валют

24.06.17   25.06.17
1 Еўра (EUR) 2.15 2.15
1 Долар ЗША (USD) 1.93 1.93
100 Расійскіх рублёў (RUB) 3.23 3.23