Расце Фаніпаль
Фаніпаль — даўно ўжо не пасёлак, а горад раённага падпарадкавання, які утульна размясціўся паміж двума аўтатрасамі. Колькасць яго насельніцтва працягвае ўзрастаць, зараз яна складае без малога 14 тыс. чалавек. Адпаведна, у мясцовай улады — вялікія планы па развіцці сацыяльнай інфраструктуры. Карэспандэнт «МП» папрасіла расказаць пра іх старшыню Фаніпальскага гарвыканкама Людмілу Калініч.
Людміла Аляксееўна, якую з гарадскіх праблем вы лічыце першачарговай?
Усе, бо ў жыцці горада не бывае маленькіх праблем. Да мяне на прыём пастаянна прыходзяць людзі са сваімі пытаннямі, і я стараюся іх пачуць. Напрыклад, мамы з маленькімі дзецьмі звярнуліся з просьбай дапамагчы ў добраўпарадкаванні дзіцячай пляцоўкі, якую ім абяцалі зрабіць яшчэ год таму. З дапамогай камунальнікаў, а таксама пры ўдзеле саміх бацькоў пляцоўка была абсталявана. Адна жанчына нядаўна патэлефанавала са скаргай, што каля дома на вуліцы Перамогі, 38 адсутнічае асвятленне. Яна ўжо шмат разоў падавала заяўку ў дыспетчарскую Фаніпальскага ЖКГ, але безвынікова. І ў рэшце рэшт пытанне вырашылі — асвятленне на вуліцы адноўлена. Яшчэ адна пажылая жанчына знайшла ў Віцебскай вобласці месца пахавання брата, які 70 гадоў лічыўся без вестак прапаўшым, але не магла туды з'ездзіць у сілу ўзросту і адсутнасці памочнікаў. Мы дапамаглі ёй з транспартам дзякуючы агракамбінату «Дзяржынскі». Звяртаюцца і прадпрымальнікі.
Напрыклад, прыйшоў мой былы вучань — а ў мяне паўгорада вучняў, паколькі ў агульнай складанасці я прапрацавала ў школе 24 гады, — і папрасіў вылучыць яму ўчастак пад шынамантаж грузавых аўтамабіляў. Я вельмі ўзрадавалася: у Фаніпалі няма пакуль такой паслугі, а транспарту шмат. Вядома, мы падумаем з землеўпарадкавальнай службай, што яму прапанаваць.
У вашым кабінеце вісіць генеральны план забудовы горада. Раскажыце пра яго чытачам.
Генплан разлічаны на два этапы: да 2020 і да 2030 года. Насельніцтва Фаніпаля да 2030 года, як мяркуецца, дасягне 17 тысяч чалавек. На першым этапе — самае галоўнае, на мой погляд, — у горадзе павінен з'явіцца дзіцячы парк і фізкультурна-аздараўленчы комплекс з басейнам. На вуліцы Брэсцкай, 9 будзе пабудаваны 9-павярховы жылы дом, а ў працэсе яго ўзвядзення — гэта было адным з умоў аўкцыёну — будаўнічая фірма-падрадчык пачысціць і добра ўладкуе найбліжэйшую сажалку з падземнымі ключамі, каб размясціць там зону адпачынку. Вёскі Чаркасы, Чэчына, Вязань, Холма, Падсасонне адна за адной будуць ўключацца ў гарадскую мяжу, іх жыхары стануць гараджанамі.
Паколькі побач з Фаніпалем размешчана свабодная эканамічная зона, будзе даволі актыўна весціся жыллёвае будаўніцтва, у тым ліку індывідуальная забудова ў мікрараёнах Паўднёвы і Паўднёвы-2, дзе мы маем намер і далей прапаноўваць жадаючым зямельныя ўчасткі.
Праз аўкцыёны?
Так. З гэтага года Фаніпальскі гарвыканкам пэўную частку зямельных участкаў, прызначаных для будаўніцтва жылля — як пад шматпавярхоўкі, так і пад прыватныя дамы, — прадае з аўкцыёнаў. Аўкцыёны ў нас, як у горада раённага падпарадкавання, — адзіная магчымасць нешта зарабіць у дадатак да бюджэтных сродкаў. Такая практыка сябе цалкам апраўдала: на таргі прыходзяць 2—6 патэнцыйных пакупнікоў, і цана лота ўзрастае. У выніку горад атрымлівае грошы на добраўпарадкаванне.
Так, 1 млрд. 350 млн. рублёў, атрыманых намі ад продажу участкаў пад індывідуальнае будаўніцтва, былі накіраваны на рэканструкцыю дваровых тэрыторый па вуліцы Чыгуначнай з пашырэннем праездаў і стаянак. Да новага года мы плануем яшчэ прадаць 3—4 участкі пад катэджы ў мікрараёне Паўднёвы-2, участак пад гандлёвы цэнтр па вуліцы Камсамольскай і 3 ўчастка пад шматпавярховую забудову па вуліцы Зялёнай. Чаканая выручка — 6—7 мільярдаў рублёў. Сярэдні кошт ўчастка пад катэдж на апошніх таргах складаў 200—240 млн. рублёў. Другая частка свабодных участкаў пад жыллё прадастаўляецца бясплатна мнагадзетным сем'ям для індывідуальнага будаўніцтва — з пачатку года іх было выдзелена 16, і чаргавікам, якія стаяць у чарзе маючых патрэбу ў паляпшэнні жыллёвых умоў з 2008 года — яшчэ 11.
А які сярэдні кошт квадратнага метра ў Фаніпалі? Маецца на ўвазе, вядома, шматпавярховая забудова.
Немаленькая, 1.100—1.200 даляраў у эквіваленце, прычым наўрад ці яна знізіцца, улічваючы перспектыву з'яўлення «пад бокам» у Фаніпаля шэрагу сучасных вытворчасцей, якія актыўна будуюцца ў СЭЗ «Мінск». Спадзяемся, што ўжо да 2020 года Фаніпаль стане паўнавартасным горадам-спадарожнікам Мінска, вельмі зялёным і прыгожым: у ім з'явіцца гарадскі транспарт, новыя гандлёвыя цэнтры, зона адпачынку і многае іншае.
Ці праўда, што будаўніцтва жылля цяпер будзе весціся па-іншаму — жыллёва-будаўнічыя кааператывы сыдуць у мінулае?
Так, гэты метад сябе не апраўдаў, паколькі ён прывёў да з'яўлення вялікай колькасці даўгабудаў. У адпаведнасці з указамі Прэзідэнта прыватныя будаўнічыя кампаніі будуць будаваць цяпер жыллё за ўласныя сродкі (у тым ліку за крэдыты) і на канчатковай стадыі прадаваць кватэры насельніцтву. А дзяржаўныя прадпрыемствы будуць будаваць жыллё па дзяржзамове: УКБ бярэ крэдыт у банку, праектуе дом, будуе яго — і толькі пасля таго як дом будзе практычна гатовы, запрашаюцца грамадзяне, якія стаяць у чарзе на паляпшэнне жыллёвых умоў, дакументы яшчэ раз пераглядаюцца і, калі патрэбнасць не знікла, грамадзяне становяцца навасёламі. Спісы гэтых жыхароў перададуць у банк, куды людзі прыйдуць афармляць крэдыты, і ў хуткім часе яны атрымаюць ключы ад кватэры.
Крыніца: Газета «Мінская праўда»
Каментарыі(4):
В Фаниполе у многоэтажек не везде нормальный асфальт, то, думаю, до коттеджного поселка дело не скоро дойдет.
А новую станцию в Фаниполе должны были построить еще году где-то в 2004-ом, но потом не оказалось денег. Зато в Дзержинске появилась вторая жд остановка, хотя по планам она должна была появиться позже))
С отдаленных районов города, особенно котеджных поселков, проблема добраться до станции, а маршрутка дороговата. А ведь основная масса населения работает в Минске. Из Минска после 22.00 вообще не уедешь домой. Неплохо было бы часному бизнесу предложить организовать автобусные маршруты, привязанные к расписанию электричек от станции и в разные районы города. Я думаю окупиться идея.Спасибо