«Беларуснафта» прыступіла да заключнага этапу рэканструкцыі нафтабазы ў Фаніпалі
Заключны этап работ на нафтабазе прадпрыемства «Беларуснафта- Мінскаблнафтапрадукт» ўключае поўную мадэрнізацыю рэзервуарнага парку з заменай чыгуначнай эстакады і помпавых станцый. Таксама з дапамогай сучасных тэхнічных рашэнняў плануецца ўдасканаліць уліковую палітыку, пажарную і экалагічную бяспеку аб'екта. Аўтаматызаваная сістэма кіравання тэхналагічнымі працэсамі дазволіць кантраляваць у рэжыме рэальнага часу ўсе параметры, у тым ліку колькасць і якасць змесціва рэзервуараў.
Праектам прадугледжана і абнаўленне трубаправодаў. У перспектыве да нафтабазы плануецца падключыць магістральны нафтапрадуктаправод, па якім аўтамабільнае паліва будзе паступаць на базу з ААТ «Нафтан» транзітам праз склад захоўвання нафтапрадуктаў у Круляўшчызне Віцебскай вобласці.
Фаніпальская нафтабаза з'яўляецца адным з асноўных інвестыцыйных праектаў прадпрыемства «Беларуснафта-Мінскаблнафтапрадукт». Мадэрнізацыя тут ідзе ўжо больш за 2 гады. Усе работы праводзяцца паэтапна, паколькі спыняць дзейнасць склада нельга. Ужо рэканструяваны адміністрацыйныя будынкі, бытавыя і складскія памяшканні, новая сістэма наліву нафтапрадуктаў абсталявана спецыяльным праграмным забеспячэннем для вымярэння і кантролю па аб'ёме і масе. Таксама пабудавана лабараторыя па кантролі якасці прадуктаў нафтаперапрацоўкі, кацельня, чыгуначныя шалі.
Цалкам склад захоўвання нафтапрадуктаў у Фаніпалі абновіцца да канца 2015 года. Тады РУП «Беларуснафта-Мінскаблнафтапрадукт» зможа забяспечваць нафтапрадуктамі не толькі сталіцу і вобласць, але і суседнія рэгіёны.
Крыніца: ПО «Белоруснефть»