Каля Фаніпаля выдзелена пляцоўка па вытворчасці чыгуначных саставаў швейцарскага холдынгу Stadler
Швейцарскі холдынг Стадлер - адзін з найбуйнейшых у свеце вытворцаў электрацягнікоў ў бліжэйшыя паўгода плануе наладзіць выпуск чыгуначных саставаў на тэрыторыі свабоднай эканамічнай зоны «Мінск».
Партнёрам і сузаснавальнікам выступіць сталічнае прадпрыемства Белкамунмаш. Пляцоўку каля Фаніпаля ў Дзяржынскім раёне пад арганізацыю вытворчасці ўжо вылучылі. Пры паспяховай рэалізацыі праекта Беларусь стане найбуйнейшым вытворцам электрацягнікоў на тэрыторыі СНД.
Для гэтага ў якасці рэзідэнта СЭЗ "Мінск" было зарэгістравана сумеснае прадпрыемства ААТ "Кіруючая кампанія холдынгу "Белкамунмаш" і швейцарскай кампаніі "Stadler Rail Group" - ААТ "Электрычны транспарт".
Спачатку плануецца зборка саставаў, пазней будуць вырабляць і камплектуючыя вырабы. Акрамя таго, на гэтай жа пляцоўцы плануецца арганізаваць вытворчасць трамваяў і тралейбусаў.
Нагадаем, Беларуская чыгунка ў 2010 годзе прыступіла да ўкаранення новага фармату пасажырскіх перавозак. Гэта якасны прарыў не толькі ў плане тэхнічных сродкаў для перавозкі пасажыраў, але і ў самой арганізацыі руху, падыходах да ажыццяўлення гэтага працэсу. Новы фармат прадугледжвае класіфікацыю ліній на міжнародныя, міжрэгіянальныя, рэгіянальныя, гарадскія і камерцыйныя.
Stadler ўжо паставіла ў Беларусь некалькі саставаў для гарадскіх чыгуначных пасажырскіх перавозак. Гэтыя саставы абсталяваны прыладай цеплавых завес ўваходных дзвярэй, якія перашкаджаюць паступленню халоднага паветра, кандыцыянерамі, сістэмай відэаназірання, вакуумным туалетам, зонай для пасажыраў з абмежаванымі фізічнымі магчымасцямі.
Усяго Stadler павінна паставіць 10 цягнікоў. Кампанія зацікаўлена ў далейшым пашырэнні паставак.
Для даведкі:
Швейцарская кампанія Stadler з'яўляецца адным з вядучых еўрапейскіх вытворцаў чыгуначнага рухомага складу: рэйкавых аўтобусаў, дызель-і электрацягнікоў, двухпавярховых электрацягнікоў, пасажырскіх вагонаў і трамваяў. Сёння прадукцыя кампаніі эксплуатуецца ў розных краінах: Германіі, ЗША, Аўстрыі, Францыі, Італіі. Адным з напрамкаў дзейнасці Stadler з'яўляецца вытворчасць электрацягнікоў новага пакалення сямейства FLIRT.
«Белкамунмаш»
Каментарыі(3):