Заснаваны герб Фаніпаля

Прэзідэнт Рэспублікі Беларусь заснаваў афіцыйныя геральдычныя сімвалы адміністрацыйна-тэрытарыяльных адзінак Мінскай вобласці. Адпаведны Указ № 691 Кіраўнік дзяржавы падпісаў 20 лістапада.

Так, заснаваны герб горада Фаніпаля, герб і сцяг горада Стоўбцы і Стаўбцоўскага раёна, герб і сцяг Мінскага раёна, а таксама зацверджаны палажэнні аб гэтых афіцыйных геральдычных сімвалах, іх апісанні і выявы.

ПАЛАЖЭННЕ
аб гербе горада Фаніпаля

1. Герб горада Фаніпаля з'яўляецца яго афіцыйным геральдычным знакам.
Герб горада Фаніпаля - ўласнасць горада Фаніпаля, правам распараджэння якой валодае Фаніпальскага гарадскі выканаўчы камітэт.
2. Выява герба горада Фаніпаля размяшчаецца на будынках, у якіх размешчаны органы мясцовага кіравання і самакіравання горада Фаніпаля, а таксама ў памяшканнях паседжанняў гэтых органаў і ў службовых кабінетах іх кіраўнікоў.
Выява герба горада Фаніпаля можа размяшчацца ў тых месцах горада Фаніпаля, дзе у адпаведнасці з заканадаўствам прадугледжваецца размяшчэнне малюнка Дзяржаўнага герба Рэспублікі Беларусь. Пры адначасовым размяшчэнні Дзяржаўнага герба Рэспублікі Беларусь, герба горада Фаніпаля і іншых гербаў іх размяшчэнне вызначаецца ў адпаведнасці з Законам Рэспублікі Беларусь ад 5 лiпеня 2004 года <Аб дзяржаўных сімвалах Рэспублікі Беларусь>.
Выява герба горада Фаніпаля можа выкарыстоўвацца таксама падчас дзяржаўных святаў i святочных дзён, урачыстых мерапрыемстваў, якія праводзяцца дзяржаўнымі органамі і іншымі арганізацыямі, народных, працоўных, сямейных святаў і мерапрыемстваў, прымеркаваных да памятных дат.
3. Права на выкарыстанне выявы герба горада Фаніпаля ў выпадках, не ўказаных у пункце 2 гэтага Палажэння, можа быць прадастаўлена па рашэнні Фаніпальскага гарадскога выканаўчага камітэта.

ЗАЦВЕРДЖАНА
Указ Прэзідэнта
Рэспублікі Беларусь
20.11.2006 № 691



АПІСАННЕ
герба горада Фаніпаля
Герб горада Фаніпаля ўяўляе сабой іспанскі шчыт, у сярэбраным полі якога размешчана перакуленае вастрыё зялёнага колеру з выявай залатога яблыка ў цэнтры.

ЗАЦВЕРДЖАНА
Указ Прэзідэнта
Рэспублікі Беларусь
20.11.2006 № 691

Дадаць каментар


Каментарыяў пакуль няма

Надвор'е ў Фаніпалі

Надвор'е

Курсы валют

21.10.17   22.10.17
1 Еўра (EUR) 2.31 2.31
1 Долар ЗША (USD) 1.96 1.96
100 Расійскіх рублёў (RUB) 3.4 3.4