У Беларусі падаражала аўтамабільнае паліва
10 чэрвеня ў Беларусі павышаны рознічныя цэны на бензін і дызельнае паліва ў сярэднім на 5 і 15% адпаведна, паведамляюць афіцыйныя крыніцы.
Рознічныя цэны на нафтапрадукты, якія рэалізуюцца праз АЗС арганізацыямі «Белнафтахіма», складаюць: бензін А-76 ("Нармаль-80") - 1.760 рублёў за літр (рост на 90 рублёў), бензін АІ-92 - 2.230 (на 110 рублёў), бензін АІ-95 - 2.540 (на 120 рублёў). Рознічная цана на дызельнае паліва павялічылася на 14,8% і склала 1.940 рублёў за літр (рост на 250 рублёў).
Як тлумачаць спецыялісты канцэрна, павышэнне цэн на нафтапрадукты абумоўлена ростам цаны на нафту і мае мэту "забеспячэння прывабнасці працы прадпрыемстваў на ўнутраным рынку Беларусі". Папярэдні раз цэны на нафтапрадукты ў Беларусі павышаліся 10 снежня мінулага года. Тады рознічныя цэны ўзраслі ў сярэднім на 5%.
Каментарыі(1):