У Фаніпалі пройдзе грамадскае абмеркаванне па праекце дэталёвай планіроўкі ў раёне вул. Зялёнай

З 27 лютага па 24 сакавіка 2018 года запланавана правядзенне грамадскага абмеркавання па праекце «Распрацоўка плана дэталёвай планіроўкі ў раёне вуліцы Зялёнай г. Фаніпаль (2 чарга)».

Асноўныя мэты праекта:
- стварэнне канцэптуальнага архітэктурнага рашэння тэрыторыі, адведзенай для дэталёвага планавання;
- мэтазгоднае фарміраванне і развіццё паўнавартаснай гарадской інфраструктуры ўздоўж вуліцы Зялёнай;
- падрыхтоўка асяроддзя і рэзервовых тэрыторый для рэалізацыі горадабудаўнічых праектаў;
- стварэнне аптымальных умоў пражывання насельніцтва праектаванага раёна.

Азнаёміцца з праектам можна ў вестыбюлі будынка Фаніпальскага гарадскога выканаўчага камітэта (вул. Камсамольская, 32). Час экспазіцыі праекта - з панядзелка па пятніцу з 8.00 да 13.00 і з 14.00 да 17.00.

Заўвагі і (або) прапановы грамадскага абмеркавання прымаюцца ў гарвыканкаме або па электроннай пошце fanipolgor@tut.by або arh@dzerzhinsk.gov.by

Дадаць каментар

Каментарыі(3):