Непадалёку ад Фаніпаля сутыкнуліся Volkswagen і Hyundai

25 верасня 2016 года на трасе Р1 у раёне Фаніпаля ў напрамку Мінск-Дзяржынск адбылася аварыя, у якой сутыкнуліся Volkswagen і Hyundai.

«У 15:19 ад відавочцаў паступіла паведамленне пра ДТЗ на 22-м км на аўтадарозе Р1 паблізу вёскі Чачына, — паведаміла прэс-сакратар Мінскага абласнога ўпраўлення МНС Крысціна Барэйка. — Адбылося сутыкненне Volkswagen Passat B5 і Hyundai Sonata».

Работнікамі МНС пры дапамозе спецыяльнага інструмента з Hyundai былі дэблакаваныя кіроўца 1964 года нараджэння і пасажыр. Яны былі дастаўлены ва ўстанову аховы здароўя работнікамі медыцынскай дапамогі. Кіроўца Volkswagen не пацярпеў.

Дадаць каментар