Фаніпаль і Дзяржынск становяцца буйнымі індустрыяльнымі цэнтрамі

Імпульс развіццю рэгіёна надало адкрыццё новага завода «Штадлер Мінск». Зрэшты, актыўна сябе праяўляюць не толькі буйныя замежныя інвестары, але і сярэдні бізнес. Дзе вырабляюць выключна запатрабаваную прадукцыю і чаму за дваццаць кіламетраў ад Мінска жыць больш выгадна?

Аляксей Кандраценка знайшоў адказы.

Круглы год, 24 гадзіны за суткі і без выхадных. Працоўны графік у вытворцы бетону і цэментавых раствораў - звыш як насычаны. Высокі попыт на прадукцыю на будаўнічым рынку не пакідае выбару. Аўтабетоназмяшальнікі загружаюцца дакладна па графіку.

Канстанцін Бажок, начальнік аддзела збыту прадпрыемства па вытворчасці бетонных сумесяў: "На гэты момант вытворчая база складае 4 бетонава-растворныя вузлы. Ужыванне сучасных дабавак дазваляе вырабляць бетон узімку пры тэмпературы да -20 градусаў".

Зараз у Фаніпалі - сапраўдны будаўнічы бум. Кожны год з'яўляецца некалькі новабудоўляў. Кошт квадратнага метра на парадак таннейшы, чым на ўскраіне Мінска. Развіваецца інфраструктура. Свой першы дом для горада ўзводзіць і кампанія - вытворца бетону.

Віктар Крэсік, намеснік дырэктара прадпрыемства па вытворчасці бетонных сумесяў: "Мы тут выступаем у якасці заказчыка і генпадрадчыка. Дом будуецца за ўласныя сродкі. І часткова па выпуску аблігацый. Гэта абараняе будучага жыхара, таму што гарантам выступае банк".

"Уся справа ў чароўных бурбалках" - прынцып, паводле якога прадукцыя гэтага прадпрыемства заўсёды нарасхват. Практычная ўпакоўка патрэбна розным кампаніям.

Паштовыя канверты - яшчэ адзін від прадукцыі гэтага вытворцы. 50% тавару ідзе на экспарт, іншая палова належыць унутранаму рынку.

Канец года - гарачая пара для прадпрыемства. Адзін з самых запатрабаваных відаў прадукцыі - спецыяльныя навагоднія канверты. Менавіта ў такіх многія дзеці атрымаюць падарункі ад Дзеда Мароза.

На сёння ў Фаніпалі каля 400 прадпрыемстваў малога і сярэдняга бізнесу. Пры гэтым 13-тысячны горад не перагружаны: уся прамысловасць - па-за яго межамі.

Павел Юхневіч, намеснік старшыні Дзяржынскага райвыканкама: "У апошнія 5 гадоў горад атрымаў досыць бурнае развіццё. Бо, акрамя «Штадлер Мінск», там пабудавана і будуецца цэлы шэраг значных важных прадпрыемстваў. У Фаніпалі будуецца прадпрыемства "Амкадор", якое будзе забяспечваць гумова-тэхнічнымі вырабамі ўсе машынабудаўнічыя прадпрыемствы РБ, якія завазіліся па імпарце".

Такім чынам, новыя кампаніі - гэта не толькі новыя рабочыя месцы і развіццё гарадской інфраструктуры, але і ў цэлым істотны ўклад у развіццё эканомікі Мінскай вобласці.

Глядзець відэа

Крыніца: Агенцтва тэленавін Белтэлерадыёкампаніі

Дадаць каментар


Каментарыяў пакуль няма

Надвор'е ў Фаніпалі

Надвор'е

Курсы валют

18.08.17   19.08.17
1 Еўра (EUR) 2.28
1 Долар ЗША (USD) 1.94
100 Расійскіх рублёў (RUB) 3.27