У Дзяржынскім раёне затрымана злачынная група па падазрэнні ў здзяйсненні крадзяжоў з аўтамашын

Супрацоўнікамі АКВ Дзяржынскага РАУС па падазрэнні ў здзяйсненні крадзяжоў з аўтамашын затрымана злачынная група.

У склад групы ўваходзілі маладыя людзі 1996-1997 гадоў нараджэння, якія пражываюць у Дзяржынскім раёне, Мінску і Уздзе.

Падазраваныя «вызначыліся» ў райцэнтры і ў вёсцы Лес–Гай Дзяржынскага раёна. За два тыдні маладыя людзі «абчысцілі» шэсць аўтамабіляў. Выносілі магнітолы, наборы ключоў для рамонту, электраінструмент і многае іншае, што маўтамашыны з незачыненымі дзвярыма.

А ў Фаніпалі прадметам злачыннага замаху сталі старыя аўтамабілі ВАЗ – «шасцёрка» і дзве «чацвёркі». Злачынец, спрабуючы ўгнаць транспартны сродак, разбіваў шкло і ўзломліваў замкі запальвання. На шчасце, давесці свой намер да канца зламысніку не ўдалося – 21-гадовы мясцовы жыхар быў таксама затрыманы супрацоўнікамі крымінальнага вышуку Дзяржынскага РАУС.

Усяго за дзевяць месяцаў 2014 года на тэрыторыі Дзяржынскага раёна здзейснена 7 угонаў транспартных сродкаў, шэсць з якіх на сённяшні дзень раскрытыя.

Крыніца: УУС Мінаблвыканкама

Дадаць каментар


Каментарыяў пакуль няма

Надвор'е ў Фаніпалі

Надвор'е

Курсы валют

23.07.17   24.07.17
1 Еўра (EUR) 2.25 2.25
1 Долар ЗША (USD) 1.94 1.94
100 Расійскіх рублёў (RUB) 3.28 3.28