Завод ААТ «Штадлер Мінск» па вытворчасці электратранспарту ў Фаніпалі пачне працу ў сакавіку

Швейцарска-беларускі завод па вытворчасці электратранспарту ў Фаніпалі пачне працу ўжо ў канцы сакавіка бягучага года. Пра гэта паведаміў сёння журналістам уладальнік і прэзідэнт швейцарскай кампаніі Stadler Rail Group Петэр Шпулер.

"Што датычыцца будаўніцтва, то мы прытрымліваемся намечанага курсу - ідзем па плане. Ужо ў канцы сакавіка мы пачнём тут вытворчасць", - сказаў Петэр Шпулер.

Першы заказ, які будзе выкананы на новым заводзе, - двухпавярховыя цягнікі для расійскай транспартнай кампаніі ТАА "Аэраэкспрэс". "Stadler Rail AG" перамагла ў міжнародным тэндэры ў Маскве і да 2016 года павінна паставіць заказчыку 25 пасажырскіх цягнікоў. Пачынаючы з чацвёртага цягніка яны будуць вырабляцца на заводзе ў Беларусі.

Як адзначыў Петэр Шпулер, гэта вельмі важны заказ як для самой кампаніі, так і для вытворчасці ў Фаніпалі. "Цягнікі будуць злучаць тры аэрапорта з Масквой. Гэта самая сучасная тэхналогія ў будаўніцтве тэхнікі: палегчаная алюмініевая канструкцыя, якая вельмі энергаэфектыўна", - распавёў уладальнік і прэзідэнт Stadler Rail Group.

Петэр Шпулер прыязджае ў Беларусь даволі часта (кожныя 6-8 тыдняў), каб асабіста сачыць за ходам будаўніцтва завода. Пакуль, паводле яго слоў, у рэалізацыі праекта няма ніякіх праблем. "Мы атрымалі вельмі добрую падтрымку з беларускага боку", - адзначыў Петэр Шпулер. Пры гэтым, дадаў ён, пэўныя складанасці ўсё ж могуць паўстаць у красавіку, калі будзе ажыццяўляцца запуск вытворчасці. "Непазбежна з'явяцца нейкія цяжкасці, але я думаю, што мы справімся", - упэўнены ўладальнік і прэзідэнт Stadler Rail Group.

Ён праінфармаваў, што 70 беларускіх спецыялістаў ужо праходзяць навучанне ў Швейцарыі, яны вернуцца ў канцы сакавіка, пасля чаго туды будуць накіраваны яшчэ 50 спецыялістаў. Затым у Беларусь прыедуць спецыялісты з Швейцарыі, каб дапамагчы запусціць завод.

Інвестыцыйны праект па стварэнні ў Фаніпалі вытворчасці чыгуначнага і гарадскога пасажырскага электрычнага транспарту з'яўляецца прыярытэтным для Беларусі. Гэта адзначыў 26 лютага прэм'ер-міністр Міхаіл Мясніковіч на сустрэчы з уладальнікам і прэзідэнтам швейцарскай кампаніі Stadler Rail Group Петэрам Шпулерам.

"Хоць вытворчасць чыгуначнай тэхнікі ў нас у Беларусі ў пэўных аб'ёмах ажыццяўляецца па лініі нашых чыгуначных кампаній, такога маштабнага праекта ў нас яшчэ не было", - адзначыў Міхаіл Мясніковіч. Гэты праект для Беларусі лічыцца прыярытэтным, дадаў ён.

Кіраўнік урада канстатаваў, што тыя планы, якія былі намечаны яшчэ ў перыяд закладкі капсулы пад будаўніцтва завода, рэалізуюцца, і даволі паспяхова. У канцы мінулага года ў эксплуатацыю ўведзена ўжо 16 тыс.кв.м плошчаў. "Гэта істотны этап рэалізацыі інавацыйнага праекта, - падкрэсліў Міхаіл Мясніковіч. - Думаю, што сучасная чыгуначная пасажырская тэхніка будзе паспяхова выпускацца ўжо ў гэтым годзе". Беларускі бок імкнецца выконваць усе свае абавязацельствы.

Эфектыўнасці інвестпраекта, на думку Міхаіла Мясніковіча, павінна садзейнічаць і работа Беларусі ў Адзінай эканамічнай прасторы з Расіяй і Казахстанам. Паводле існуючай у прэм'ер-міністра інфармацыі, швейцарская кампанія ўжо мае пэўныя поспехі на рынку Расійскай Федэрацыі. "Сумеснымі намаганнямі мы будзем імкнуцца да таго, каб аб'ём продажаў на рынку АЭП быў істотна павялічаны", - сказаў кіраўнік беларускага ўрада.

У час сённяшняй сустрэчы бакі маюць намер абмеркаваць шэраг пытанняў, каб надаць рэалізацыі сумеснага праекта яшчэ больш дынамізму.

Сучасны завод па стварэнні вытворчасці чыгуначнага і гарадскога пасажырскага электрычнага транспарту будуецца ў Фаніпалі. Праект рэалізуецца шляхам паэтапнага будаўніцтва і ўводу ў эксплуатацыю на працягу 2012-2016 гадоў завода і аб'ектаў інжынернай і транспартнай інфраструктуры. Яго вытворчая магутнасць у год на першым этапе складзе 18 цягнікоў тыпу Flirt і Kiss, на наступных этапах - да 30 цягнікоў тыпу Flirt і Kiss, 100 трамваяў, 40 камплектаў зварных канструкцый. Для будаўніцтва завода выдзелены ўчастак плошчай 18,9 га, які ўключаны ў межы свабоднай эканамічнай зоны "Мінск". Аб'ём інвестыцый, што прыцягваюцца для рэалізацыі праекта, складзе каля 50 млн. еўра.

Праект рэалізуюць ААТ "Кіруючая кампанія холдынга "Белкамунмаш" і кампанія Stadler Rail AG (Швейцарыя) у рамках указа нумар 322 ад 20 ліпеня 2012 года. Для яго рэалізацыі створана сумеснае прадпрыемства на базе ААТ "Электрычны транспарт" (з 6 лістапада 2013 года перайменавана ў ААТ "Штадлер Мінск"), у якім кампанія Stadler Rail AG мае долю 60 працэнтаў у статутным фондзе.

"Stadler Rail Group" - адзін з вядучых еўрапейскіх вытворцаў чыгуначнага рухомага саставу. Прадукцыя кампаніі эксплуатуецца ў розных краінах свету, у тым ліку ў Аўстраліі, Аўстрыі, Алжыры, Беларусі, Германіі, Грэцыі, Іспаніі, Італіі, Нідэрландах, Нарвегіі, Польшчы, Славакіі, ЗША, Фінляндыі, Францыі, Чэхіі, Эстоніі. 19 сакавіка 2010 года са швейцарскай кампаніяй Stadler Bussnang AG, якая выйграла тэндэр, быў падпісаны кантракт на пастаўку для патрэб Беларускай чыгункі 10 сучасных электрацягнікоў для новага фармату пасажырскіх перавозак, 6 з якіх прызначаны для гарадскіх ліній і 4 - для рэгіянальных. Усе электрацягнікі пастаўлены ў Беларусь і эксплуатуюцца.

Крыніца: БелТА

Дадаць каментар


Каментарыі(10):


Аўтар: Ольга | Дата: 2016-08-07 20:47:42
Каментарый: Добрый вечер! Я желаю устроиться в вашу компанию, Учусь заочно в БГЭУ экономика международных отношений - экономист. Имею знания по английскому и немного испанскому. Главное качество обучаемость, ответственность, гибкость применяемых знаний. Я считаю работать в такой компании есть не у многих, но надо быть уверенной в своих желаниях....
Аўтар: ADMIN | Дата: 2015-11-26 09:34:57
Каментарый: Дмитрий, лучше обратиться по телефонам указанным здесь http://fanipol.net/business/business.php?id=17
Аўтар: Дмитрий | Дата: 2015-11-25 21:50:02
Каментарый: Хотелось бы уточнить имеющиеся вакансии на вашем предприятии по состоянию на сегодняшний день, и требования к кандидатам. Спасибо.
Аўтар: андар | Дата: 2015-02-09 11:20:34
Каментарый: вакансии держаться в строжайшей тайне,якобы их нету! а новые кадры появляются каждый день.....
Аўтар: Елена | Дата: 2015-02-05 16:29:47
Каментарый: Хотелось бы уточнить,есть ли шансы у молодого человека устроится на данное предприятие рабочим не имея образования,но имея огромное желание работать и такие качества ,как обучаемость , коммуникабельность,ответственность и пунктуальность?
Аўтар: ОК | Дата: 2014-07-01 12:54:31
Каментарый: По вопросам сотрудничества обращаться по телефону +375 (017) 328 05 51
Аўтар: ADMIN | Дата: 2014-03-22 08:55:11
Каментарый: По вопросам трудоустройства в ОАО «Штадлер Минск» можно обратиться по телефону +375 (017) 295 43 84 (контактное лицо - Николай Петрович) или e-mail - hr.stami@stadlerrail.com
Аўтар: leha | Дата: 2014-03-21 16:51:34
Каментарый: хочу в эту компанию устроиться на работу. подскажите контактную информацию.
Аўтар: Василь | Дата: 2014-03-04 11:24:12
Каментарый: Была новость, что городские линии пойдут в Фаниполь в последнюю очередь. Вот выдержка: "До 2015 года предусматривается развитие городских линий по направлению Минск - Смолевичи. До 2020-го - на участке Минск - Фаниполь - Дзержинск."
А остановочный пункт возле Вязани должны были еще в 2001 году что ли построить(камень заложили), но потом деньги пошли в районный бюджет и построили остановочный пункт Дзержинск. Ну а теперь в стране кризис и я думаю никто сейчас строить не будет - типа пусть люди пешком на станцию Фаниполь идут.
Аўтар: kvv | Дата: 2014-03-03 20:43:29
Каментарый: В Фаниполе завод - это хорошо. А когда будет построен остановочный пункт в Фаниполе (возле Вязани) и к нам станут ездить поезда городских линий вместо старых заплеванных электричек.....

Надвор'е ў Фаніпалі

Надвор'е

Курсы валют

17.08.17   18.08.17
1 Еўра (EUR) 2.28
1 Долар ЗША (USD) 1.94
100 Расійскіх рублёў (RUB) 3.26