Амаль на 30% ўзрасце кошт праезду ў электрычках ад Мінска да Фаніпаля

Згодна з пастановай №74 Міністэрства эканомікі Рэспублікі Беларусь ад 8 кастрычніка 2013 года павышаюцца тарыфы на перавозкі пасажыраў і багажу чыгуначным транспартам ўнутранага паведамлення РБ.

Так, для цягнікоў рэгіянальных лініях эканом-класа (электрычкі):
- зонны тарыф павялічаны з 700 руб. да 900 руб. (ужываецца пры разліку кошту праезду ад станцыі ці прыпыначнага пункта адпраўлення пасажыра на адлегласць не больш за 5 км);
- кожны 1 (адзін) км адлегласці паездкі павялічаны з 70 руб. да 90 руб. (пры разліку кошту праезду на адлегласць больш за 5 км бярэцца зонны тарыф і дадаткова кошт за кожны 1 (адзін) км адлегласці паездкі).

Напрыклад,
кошт поўнага праезду ад станцыі Фаніпаль да Мінска-Пас. (адлегласць 23 км) складзе: 900 руб. (за 5 км) + 18 км (23 км - 5км) х 90 руб = 2520 руб. (зараз - 1960 руб.).

Акругленню падлягае агульная сума платы за перавозкі пасажыраў да сум, кратных 100. Значэнні сум да 50 рублёў адкідаюцца, ад 50 рублёў і больш - акругляюцца да 100 рублёў.

Таксама ў цягніках ўнутранага паведамлення РБ іншых відаў (гарадскіх, рэгіянальных і міжрэгіянальных лініях) тарыфы на перавозку пасажыраў павялічаны на 28-43%.

Пастанова афіцыйна апублікавана на Нацыянальным прававым інтэрнэт-партале Рэспублікі Беларусь 30 кастрычніка 2013 года. Паглядзець яе можна тут. Яна ўступае ў сілу праз 10 дзён пасля апублікавання, гэта значыць 10 лістапада 2013 года.

Дадаць каментар


Каментарыяў пакуль няма

Надвор'е ў Фаніпалі

Надвор'е

Курсы валют

16.08.17   17.08.17
1 Еўра (EUR) 2.29 2.28
1 Долар ЗША (USD) 1.95 1.94
100 Расійскіх рублёў (RUB) 3.25 3.26