Кошт праезду ў электрычках і цягніках павялічыцца на 20-50%

Пастановай №59 ад 21 чэрвеня 2012 года Міністэрства эканомікі Рэспублікі Беларусь унесла змяненні ў пастанову №25 (Аб тарыфах на перавозкі пасажыраў і багажу чыгуначным транспартам агульнага карыстання ва ўнутрырэспубліканскіх зносінах) ад 4 красавіка 2012 года.

Згодна з дакументам, на 20% павышаны тарыфы на перавозкі пасажыраў прыгараднымі электра- і дызель-цягнікамі, а таксама пасажырскімі і хуткімі цягнікамі ва ўнутрырэспубліканскіх зносінах.

Так, для прыгарадных электра- і дызель-цягнікоў:
- зонны тарыф павялічаны з 500 руб. да 600 руб. (ужываецца пры разліку кошту праезду ад станцыі ці прыпыначнага пункта адпраўлення пасажыра на адлегласць не больш за 5 км);
- кожны 1 (адзін) км адлегласці паездкі павялічаны з 50 руб. да 60 руб. (пры разліку кошту праезду на адлегласць больш за 5 км бярэцца зонны тарыф і дадаткова кошт за кожны 1 (адзін) км адлегласці паездкі).

Напрыклад,
кошт поўнага праезду ад станцыі Фаніпаль да Мінска-Пас. (адлегласць 23 км) складзе: 600 руб. (за 5 км) + 18 км (23 км - 5км) х 60 руб. = 1680 руб. (зараз - 1400 руб.);
кошт поўнага праезду ад станцыі Фаніпаль да Інстытута Культуры (адлегласць 21 км) складзе: 600 руб. (за 5 км) + 16 км (21 км - 5км) х 60 руб = 1560 руб. (зараз - 1300 руб.)

Таксама на 20% павялічаны тарыфы на перавозкі багажу і грузабагажу. Акрамя таго, на 33-50% павялічаныя тарыфы на перавозкі пасажыраў прыгараднымі электрацягніка, сфармаванымі з вагонаў палепшаных характарыстык (электрацягнікі швейцарскай кампаніі «Stadler»).

Пастанова афіцыйна апублікавана на Нацыянальным прававым Інтэрнэт-партале Рэспублікі Беларусь 1 ліпеня 2012 года. Паглядзець яе можна тут. Яна ўступае ў сілу з 12 ліпеня 2012 года.

Дадаць каментар


Каментарыі(1):


Аўтар: я | Дата: 2012-08-30 20:02:58
Каментарый: Вот она сильная и процветающа!!!Наконец то --ДОЖДАЛИСЬ!!!

Надвор'е ў Фаніпалі

Надвор'е

Курсы валют

16.08.17   17.08.17
1 Еўра (EUR) 2.29 2.28
1 Долар ЗША (USD) 1.95 1.94
100 Расійскіх рублёў (RUB) 3.25 3.26